LAICOM LIBRARY cu Cauk ṭhaṭha fawi tein kan rel khawh nakhnga tuah mi lawng siloin kan miphunpi nih carel kan zuam chin khawh naklai le caṭial zuam mi hna nih fawi tein kan cauk zuar kan duh tikah ṭhahnem mi si khawh nakhnga tuah mi a si. Cauk zuar na duh mi a um ah siseh, mipi rel ding in na cauk Free/Alak tein chiah na duh ah siseh hi LAICOM LIBRARY ah chiah khawh a si.

Cauk Zuar le Chiah Na Duh Tikah: Cauk zuar na duh tikah na zuar ding mi cauk cu nangmah pumpak in na ṭial mi le na ngeih mi si a herh, midang nih an ṭial mi cauk le nangmah nih nawl na ngeih lo mi cauk cu zuar khawh zong a si lai lo. Free/Alak zong in chiah piak khawh a si lai lo. Cauk na zuar mi cu CACC he pehtlaihnak a ngei mi a si ahcun cauk zuar/chiatu le CACC biaceihnak nan ngeih hnu lawng ah chiah le chiah lo ding ruah piak a si lai. **Nangmah Pumpak in Miphun dang Ca na leh mi zong chiah khawh a si.**

Cauk Zuartu Nih Ngeih A Herh Mi: LAICOM LIBRARY ah cauk zuar na duh ahcun nangmah pumpak in gmail Account na ngeih a herh lai. Cauk zuar na duh mi na kan kuat tikah na gmail zong tling tein na kan kuat chih lai.

Cauk Chiah Maan: LAICOM LIBRARY ah cauk na zuar mi chung in na hmuh mi Tangka cu thlakhat ah voikhat chuahnak nawl na ngei lai. Na cauk na zuar khawh mi chung in zatuak 20% cu LAICOM LIBRARY nih kan lak lai.

Tangka Chuahnak (BANK/PAYMENT): Tangka chuah na duh tikah Kawlram um mi nan si ahcun tangka fang in siseh, na duh mi Payment in chuah khawh a si. Ram dang um mi na si ah cun Kawlram a um mi na chungkhar hna sin in hlam khawh a si ve lai.

Account: LAICOM LIBRARY ah carel kan duh tikah, gmail Account in Sign Up/luhnak tuah a herh, nangmah pumpak in na hman mi Gmail Account in Sign up/luhnak na tuah dih hnu lawng ah hman khawh a si lai.

Theihternak: A cunglei zulh phung hna hi LAICOM LIBRARY  hman kan duh tikah theih a herh mi an si. Zulh phung kan langhter mi hna chung in zuh le chap cu LAICOM LIBRARY lawng nih nawl a ngeih mi a si. Nan dih lak cung ah kan i lawm tuk.

                                           “Voikhat carel na thiam ahcun zungzal in na luat lai!”